“Ek het altyd gedink dis vreeslik en onpatrioties om oorsee te gaan speel. Maar dis hulle werk en as jy op n ander plek beter geld kan kry, hoekom nie. Besides. Die kanse raak al hoe minder en minder vir wit spelers om Bok rugby te speel met die kwota systeem en ou kannie- dood ballies soos Morne Steyn wat elke jaar terug kom.”
Dis ‘n Whatsapp wat ek met my suster vanoggend gedeel het na aanlyding van ‘n berig op Super Sport se web blad oor die sowat 45 spelers wat na die Super reeks oorsee gaan speel.
Nou kyk, ek is n groot Stormers/WP ondersteuner, en toe Joe Pietersen vir die eerste keer in Japan gaan speel het, het ek nog nie lekker geweet hoe dit werk nie. Ek dag dis die einde van hom. Ek het gehoop hy so die volgende bok skopper wees, maar hy is nooit gekies nie. Toe Demetri Catrakilis vir die eerste keer vir die Stormers uit draf was ek oortuig hy so by Morne oor vat. Toe word hy ook oorgesien en ons het hom verloor aan Montpellier. Ek kon nie vertstaan hoekom al ons Stormers oor gesien word vir Flippen Bul spelers nie. Tot ‘n goeie vriend my mooi verduidelik hoe dit werk.
Ek raak vreeslik emosioneel as dit kom by rugby. En as dit kom by my emosies dan redeneer ek nie altyd soos ‘n normale mens nie. So uiteindelik verstaan ek hoekom Joe en Demetri nooit vir die Bokke gaan uit draf nie, ek het nie vrede gemaak met dit nie maar ek vertaan dit.
Nog ‘n ding wat ek nie kon verstaan nie was, hierdie dat almal gaan oorsee speel. In die begin het ek gedink hulle kom nooit terug nie, maar as ek nou so kyk, is daar spelers wat nie sal terug keer SA toe nie. En ek blammeer die wet makers hiervoor. Rugby is hulle werk en in werk werk dit so, as jy ‘n beter geleentheid kry dan vat jy dit. As jou werk nie waardeer word nie gaan jy ook ander werk soek. As jy die heeltyd oorgesien word vir ‘n promosie gaan jy ook nie wil bly nie. Hoekom moet dit enigsins anders wees vir profesionele spelers. “it’s nothing personal, it’s just business.”
Maar waar los dit die toekoms van Bok rugby? Hulle gaan nou al so ver om ons potensiele speller al so vroeg as op onder 21 vlak en laer op te raap. So hulle oes ons jong potentiale spelers en hulle oes die room, die wêreld spanne word sterker gevoed deur ons eie spelers en ons sn al hoe swakker. Die hartseerste van alles is dat daar niks is wat ons daar omtrent kan doen nie. Soos met al die ander dinge in die land moet ons maar net sit en toekyk hoe ons land agter uit gaan.
Maar vir die paar spelers wat wel agter bly, ons staan 100% agter julle en sal altyd trots wees op julle.
En nou het ek my sê gesê.